بابا نوئيل في بغداد

مثل ما تعرفون انه(بابا نؤيل )رجال حباب,ينطي هدايا للجهال وللفقراء ..المهم فد يوم (حجي نؤيل )ديباوع على خريطة العالم جان يشوف العراق ..كال :اييييييي ..هذوله خطية خلي اساعدهم ..المهم..نكر سلف للعربانة مالته جان اطير الغزلان مال)بابا نؤيل)واجه بيها للعراق بغداد خصوصا..بقى تقريبا ثلاث ساعات يدور على بيت بي شجرة مال كرسمس وماكو..هناك جان يخيطها ببريك قوي ,حتى الغراض يلي بالعربانة وكعن وطشرن...وكام يصيح :لكيت بيت..لكيت بيت..نزل بالسطح وبقى يدور على فتحة مال مدخنة يفوت منها !!..ماكو ..راد باب مفتوح !!..ماكو ..راد شباج يكسره ويفوت منه ؟؟..مالكه ..لان كلها بيها كتايب المهم ..فات من فتحة مال مبردة وحط الهدايا يم الشجرة وطلع ..اول ما طلع جان يسمع ,صوت واحد يصيح)حرامي !!!)..وعينكم ماتوف الا النور ..اشتغلت الطلقات والبيكيسيات وحتى القاذفات والهاونات ..كلها عللا هالرجال المسكين ..وهو ضل يركض من بيت لبيت ,ومن سطح لسطح ,مايعرف شنو الفلم ..عباله صارت حرب ولتمت المونكات والهمرات والحرس الوطني والشرطة... واحد يكول شفته لابس حزام ناسف !!..واحد يكول العربانة مالتة مفخخة .هناك جان يجيت عليه واحد ,وكمشة ..وسحله من لحيتهة للمركز طبعا بعد ماشبع كتل بالطريق ..وبالتحقيق محد صدكه كل ما يفك حلكه ..يجي راشدي ..وبعدين زينو صفر واخذو موبايلة وجانت بجيبة اربع اوراق ونص هم اخذوهن ..تالي طلع بالكوة ,كالو:رجال جبير .رجع( بابا نؤيل )للبيت يلي نزل بالسطح مالته لكة العربانة ماكو ..سأل جاهل كله:شصار من الربانة ؟؟...كله الجاهل :الغراض الي بيها اتحوسمت كلها ,سأله (بابا نؤيل):زين الغزلان وكلتوهن ؟؟,كله ياغزلان عمي ؟؟هنى جم حمار وعربانة مكسورة اجو اخذوهن الدوارة اهل الطحين وراحو .ويدكها الرجال مشي من بغداد لبيت حتى فلوس كيا بجيبه ماكو وكال وية روحه :اني اجي لبغداد بعد !! المهم وهو بطريق الرجعة ومايعرف شيسوي طكت يمة مفخخة جان ينشمر ويوكع بالكاع ,وتبهذل ...صفن وكال:ولكم شكو ؟؟..منو ماكل باكلا زايدة ؟؟.. حقة مايعرف شنو مفخخة ..وكوة فهمو شنو مفخخة .كمل مشي الرجال وبالصدفة ..وهو بطريق الرجعة كمشو جماعة ..واخذوه ..وهم عذبوه وكلولة :انته منين ؟؟سني لو شيعي ؟؟..كاللهم يابا اني (بابا نؤيل)..كلولة :ناصب علينا !!!..وجوي ديذبحو ,ويا مديذبحو جان تجي الغزلان والعربانة...طلعو فالتين من بغداد وبالكوة جلب بيهن وفلت ..المهم هو عبالة ارتاح وكال:الحمد لله اجتي على هيج وبس ..بعد ما منجم بالسما , جان يجي صاروخ (سترله)من هذا الحنين ويضرب العربانة وشتغلت السبعة وخمسين عليه ودوشكات ...حركو الجو حرك على الرجال المسكين ..المهم هو مدري شلون انشمر فوك غزالة من غزلانة جلب بيها وفلت وراح لبيتهم بالقطب وقدم استقالة من هاي الشغلة ..وهسة هو كلش يكره الجهال ومايحب الهدايا وبس يباوع افلام رعب واشترى مسدسات ورشاشات ويصيح طول اليوم ....وين يروح المطلوب النا ..منقوووووول اتمنى ان تعجبكم تحياااااتي فراشة ميمو

يسلمووووووووووو وردة على الموضوع الحلووووو